يضيق الكوووووووووووون

يضيق الكوووووووووووون

يضيق الكون

الا ياليل قلهآ لي علام الكون فيني ضاق؟
علامة مارحم دمعي وانا واقف على بابه؟
تفيق حظوظ خلق الله وأنا حظي مآ بعد فاق
تضيق همومي بصدري ولا ادري شالذي عابه؟

سهرت بليلي المظلم أفسر لهفة المشتاق
طلبت الهم يخاصمني لقيت اني من احبابه

لقيت ان الزمن ظالم مثل موج البحر غراق
رماني في متاهاته وسكّر دوني ابوابه

كفاية يا زمان التيه كفاية لعبة الاشواق
كفاية لية ماترحم شبعنا هموم طلابة

شبعنا من الزمن ضيقه وصرنا للفرح عشاق
يذوقنا مرارة دوم علينا يرمي اسبابه

-{ عزيز النفس بالدنيا يعيش بهم ماينطاق
وذليل النفس يارب خطاه الهم ولا صابه }-

ولكن لو يطول الوقت وينثر همه الحرّاق
يجي يوم من الايام وكلن ياخذ حسابه

نضيق بهالزمن ضيقة ولانذرف دموع شهاق
نضيق ونصبر ونكسر زمان طالت انيابه

انا ادري مانهاب الموت ولاحتى نهاب فراق
نهاب الخالق الواحد ونرضى بكل ماجابه
اعيش اصبر على البلوى ولو هالكون فيني ضاق
اعيش الذيب في عمري ولا ارضى فوقي ذيابه

زائر

يعطيك الله الف عافيه

وننتظر الجديد من ابداعاتك الروعه

تحياتي

روحي تحبك

تسلم اخوي على مرورك الطيب

اسعدني تواجدك

في صفحتي المتواضعه

تحياتي واشواقي

الحب الوحيد

سهرت بليلي المظلم أفسر لهفة المشتاق
طلبت الهم يخاصمني لقيت انى من احبابه

روعه تسلم يا الغالي على ما كتبت و ننتضر جديدك

و تحياتي و تقديري لك : الحب الوحيد

اخوك : فاضل