شغــلات رومنسيــه للشبــاب

بسم الله الرحمن الرحيم


طبعا شكثر ما نشوف مواضيع حركات رومنسية من الزوجه لزوجها ؟

بس هالمرة من الزوج لزوجته ؟



الفكرة الاولى :

لما ايكون عندكم مناسبة عيد زواجكم ولا الا عيد الفطر ؟؟ طبعا هي بتموت عشان تعرف انت شنو بتشتري لها هدية ؟؟ وكل ساعة تبي تضرب لك نغزات عشان تذكرك بالمناسبة بس انت يا ابو الشباب سوا روحك ولا تدري بالسالفة ومطنش حدك وقول لها بوديك اليوم بيت اختج او بيت امي يبون ايشوفونك ؟؟؟ وانت روح بيتكم وزينه بالبالونات والشموع والزين .........الخ ؟؟ ومحضر اليها الهدية اللي خاطرها ونفسها فيها ؟؟ مثل عطر نظارة ساعة شئ ذهب خاتم اسواراة ؟؟؟ وطبعا لا تنسى تشتري العشاء الجاهز وانت بعد اتجهز روحك من لبسك وكشختك ؟؟ تمر عليها وتوديها البيت وتفاجأها بالحفلة الصغننونة اللي مسويها لها ؟؟؟


الفكرة الثانية :

تقول لها يا ام فلان روحي جيبي الغرض الفلاني من السيارة بسرعة ضروري ؟؟ واتسوي روحك مشغول بشئ وما تقدر تروح تجيبه ؟؟ طبعا هي بتروح طوالي على السيارة بس انت بتكون محضر لها مفاجأة وردة حمراء ندية مع رسالة حب او شعر جميل ؟؟ تحطه لها فوق الغرض اللي طلبت منها اتجيبه ؟؟

الفكرة الثالثة :

لما تعزم ربعك مثلا للبيت واتكون زوجتك متعبه نفسها بالطباخ والنفاخ وما خلت طبخة الا وسوتها ؟؟؟ وحتى لو كان طبخه بسيطه ؟؟
بعد ما تودي الاكل للدوانيه والجماعة يخلصون الاكل كله ويحشونه حش ؟؟
تروح لها تجيب الشاي وبعدين اتسوي لها بأصبع الابهام انتي شي ؟؟ عرفتو الحركة ؟؟ عشان اتبين لها ان الاكل كان تمام وكل شئ كان مميز ولذيذ ولا تنسى طبعا كلامك ومدحك للأكل حتى لو كان مغبر ومالح وماله طعم ؟؟ تعرف ان التعب اللي تحس فيه كله بيروح من كلماتك اللي صارت مثل البلسم على قلبها ؟؟




الفكرة الرابعة :

لما انت تجي من الشغل واهي تكون مشغولة بالطباخ وما تدري ؟؟ مو تقعد تصارخ يا فلانة شنو صار بالغداء خلص او بعده ؟؟ وكأنك ملهوف ؟؟؟
ادخل بالعدال وبدون ما تحس فيك وروح لها المطبخ وفاجأها وضمها اليك ؟؟ وقول لها طبعا من بعض الكلام الحلو وانك مشتاق لها وطوال عملك كنت تفكر فيها؟؟ وحتى لو كانت ريحتها ثوم وبصل لما اتشوف منك هالحركة بسرعة بتخلص الطباخ وبتعدل روحها وتسنع حالها ؟؟

الفكرة الخامسة :

طبعا يوم الاجازة الزوجة محتاجة للتغيير والطلعات والروحات بس في رجال ما يودون زوجاتهم الا بالحنة والزن على دماغهم يالله يرضون ؟؟ بس انت عاد لازم اتصير هالمرة غير اتقولها جهزي نفسك بنروح بيت خالتي ؟؟ طبعا هي بتصدق ؟؟؟ وحاول في السيارة تكون الاجواء مختلفة تحط موسيقى وتقول لها كلام حلو عشان تحلو الطلعة ؟؟ بس المفاجأة انك ما بتوديها بيت خالتك لا بتوديها المكان اللي هي اتحب اتروحه او مكان حلو ما راحته مثلا مطعم البحر او حديقة الحيوان السينما تطالعون فيلم مجمع او أي مكان خاطرها اتروحه ؟؟؟ والله انها بتسانس وما بتصدق؟